🎄每年到咗英國聖誕，就會出現一個好搞笑又好實際嘅景象：紅蘿蔔、椰菜仔、薯仔突然跌到 5p、10p，平到你會懷疑人生。 

點解會咁？其實呢場「聖誕蔬菜大減價」已經玩咗 超過十年，係 Tesco 喺 2014 年率先開波。佢哋推出 Festive Five，將聖誕必備蔬菜一口氣壓到 49p，之後 Aldi 加入戰團，推出 19p「Super Six」，正式引爆每年聖誕超市攻防戰。

而家每年聖誕前夕，Aldi、Lidl、Morrisons、Sainsbury’s 等，都會把蔬菜壓到 5p、8p、10p，有D甚至乎限購。呢套玩法已經變成英國聖誕節不可或缺的傳統。

但農民會唔會蝕？其實唔會。超市通常都係照正常批發價向農場買貨，減價係佢哋自己吸收。不過農民團體都擔心：咁平會唔會令大家以為蔬菜本來就係咁價錢？

而宣傳手法愈玩愈 creative： 

✨ Morrisons 派「Rudolph wonky carrots」俾小朋友 

✨ 超市倒數式「Festive Price Drop」 

✨ 用「支持英國農夫」做情感位 

✨ 限時限量，製造搶購感

✨ 價格互相壓低到 5p，變成每年必睇大戲 

十年落嚟，呢套玩法已經變成英國聖誕傳統之一。 

講真，冇買幾袋 5p 蔬菜返屋企，好似唔算過聖誕咁。你今年買咗幾袋？😆 

👩‍🍳媽媽們最識用：呢啲 5p 蔬菜就係煲一大煲「英式聖誕雜菜湯」嘅最佳材料！紅蘿蔔、薯仔、椰菜仔、西芹，加埋香草、雞湯底，暖笠笠又經濟，煲完全家都話正！